ഹയർ സെക്കണ്ടറി വിദ്യാഭ്യാസം മികച്ച മാർക്കിൽ ഒന്നാം വർഷ ശാസ്ത്ര ബിരുദത്തിനു ചേർന്നവർക്ക് കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിൽ നൽകുന്ന പ്രതിഭാ സ്കോളർഷിപ്പിന് ഇപ്പോൾ അപേക്ഷകൾ ക്ഷണിച്ചിരിക്കുകയാണ്. ശാസ്ത്ര വിഷയങ്ങളിലെ ഒന്നാം വർഷ ബിരുദ വിദ്യാർത്ഥികൾക്ക് വരുമാന പരിധിയില്ലാതെ നൽകുന്ന സ്കോളർഷിപ്പാണ് പ്രതിഭാ സ്കോളർഷിപ്പ്. ഹയർ സെക്കണ്ടറിയിൽ സയൻസ് വിഷയങ്ങളിൽ ലഭിച്ചിരിക്കുന്ന മാർക്കിന്റെ അടിസ്ഥാനത്തിലാണ് സ്കോളർഷിപ്പിലേക്ക് തെരഞ്ഞെടുക്കുക .കേരളത്തിന് പുറത്ത് പഠിക്കുന്ന വിദ്യാർത്ഥികൾക്കും അപേക്ഷിക്കാം എന്ന സവിശേഷതകൂടിയുണ്ട്. ഫെബ്രുവരി 29 ആണ് അപേക്ഷ സമർപ്പിക്കുന്നതിനുള്ള അവസാന തീയതി.
സ്കോളർഷിപ്പിലേക്ക് തെരഞ്ഞെടുക്കപ്പെടുന്നവർക്ക് ഐസർ ഉൾപ്പെടെയുള്ള രാജ്യാന്തര നിലവാരമുള്ള സ്ഥാപനങ്ങളിൽ സമ്മർ ക്യാമ്പിൽ പങ്കെടുക്കാനുള്ള അവസരവും ലഭിക്കുന്നതാണ്. ആകെയുള്ള സ്കോളര്‍ഷിപ്പുകളിൽ 50% പെൺകുട്ടികൾക്കും, 10% SC/ST വിഭാഗത്തിനുമായി സംവരണമുണ്ട്.
- ഹയർ സെക്കണ്ടറി - പ്ലസ് ടുവിന് 90% മാർക്കെങ്കിലും നേടി ഒന്നാം വർഷ ശാസ്ത്ര ബിരുദത്തിനു ഇപ്പോൾ പഠിച്ചു കൊണ്ടിരിക്കുന്ന വിദ്യാർത്ഥികൾക്കാണ് അപേക്ഷിക്കാൻ സാധിക്കുക.
- പട്ടികജാതി/വർഗ്ഗ വിഭാഗങ്ങൾക്ക് 80% മാർക്ക് മതി. വരുമാന പരിധി നിഷ്ക്കർഷിച്ചിട്ടില്ലാത്തതിനാൽ, നിർദ്ദിഷ്ടയോഗ്യതയുള്ള ആർക്കും തന്നെ സ്കോളർഷിപ്പിനായി അപേക്ഷിക്കാവുന്നതാണ്.
Post a Comment